ਕੀ ਕਿਹਾ ਤੁਸੀਂ ? ....ਨਹੀਂ ਦੇਖਿਆ।
ਕਦੋਂ ਦੇਖੋਗੇ ਫੇਰ ?
ਦਰਅਸਲ ਮੈਂ ਵੀ ਨਵਦੀਪ ਦੇ ਬਲਾਗ ਉੱਤੇ ਪਤਾ ਨਹੀਂ ਕਿੰਝ ਪੁੱਜ ਗਿਆ , ਮੈਨੂੰ ਯਾਦ ਨਹੀਂ , ਬੱਸ ਫੇਰ ਵੇਖਦਾ ਰਿਹਾ , ਯੂ ਟੀਊਬ ਦਾ ਇਸ ਤਰ੍ਹਾਂ ਦਾ ਵਤੀਰਾ ਏ ਕਿ ਜੋ ਕੁਝ ਵੀ ਅਸੀਂ ਵੇਖਦੇ ਹਾਂ ਓਹੀਓ ਤਰ੍ਹਾਂ ਦੀਆਂ ਵੀਡੀਓ ਸਾਨੂੰ ਪਸੰਦ ਮੁਤਾਬਿਕ ਸਾਡੇ ਸਾਹਮਣੇ ਲੈ ਕੇ ਆਉਂਦਾ ਰਹਿੰਦਾ ਏ। ...
ਜਦੋਂ ਮੈਂ ਪਹਿਲੀ ਪਹਿਲੀ ਵਾਰ ਨਵਦੀਪ ਬਰਾੜ ਦੇ ਚੈਨਲ ਨੂੰ ਦੇਖਿਆ ਤਾਂ ਸਬ ਤੋਂ ਪਹਿਲਾਂ ਮੈਂ ਉਸ ਦੇ ਚੈਨਲ ਵੱਲ ਇਸ ਕਰ ਕੇ ਖਿੱਚਿਆ ਗਿਆ ਕਿ ਉਹ ਆਪਣਾ ਵਿਲੋਗ ਪੰਜਾਬੀ ਚ ਬਣਾਉਂਦਾ ਏ ਤੇ ਪੰਜਾਬੀ ਬੜੀ ਵਧੀਆ ਬੋਲਦਾ ਏ , ਗੱਲ ਇੰਝ ਹੈ ਨਾ ਕੰਟੇੰਟ ਕਿਸੇ ਦੇ ਬਲਾਗ ਦਾ ਜਿੰਨਾ ਵੀ ਵਧੀਆ ਹੋਵੇ ਜੇਕਰ ਉਸਦੀ ਬੋਲੀ ਸੁਣ ਕੇ ਚੰਗਾ ਨਹੀਂ ਲੱਗੇ ਤਾਂ ਫੇਰ ਉਸ ਚੈਨਲ ਤੇ ਮੁੜ ਕੌਣ ਜਾਵੇਗਾ !
ਸ਼ਾਇਦ ਪਿਛਲੇ ਕਈਂ ਮਹੀਨਿਆਂ ਤੋਂ ਮੈਂ ਇਸ ਦੇ ਚੈਨਲ ਨੂੰ ਦੇਖ ਰਿਹਾ ਹਾਂ . ...ਬੜੀ ਸਚਾਈ ਨਾਲ ਬਲਾਗ ਬਣਾਉਂਦਾ ਏ ਤੇ ਬਹੁਤ ਰੋਚਕ । ਤੁਸੀਂ ਵੀ ਸੋਚ ਰਹੇ ਹੋਵੋਗੇ ਕਿ ਹੁਣ ਸੁਸਪੇਂਸ ਹਟਾ ਤੇ ਦੱਸ ਨਵਦੀਪ ਬਰਾੜ ਕਰਦਾ ਕਿ ਏ। ....ਨਵਦੀਪ ਬਰਾੜ ਇਕ ਟ੍ਰੇਵਲ ਬ੍ਲਾਗਰ ਏ ਤੇ ਬਲਾਗ ਨੂੰ ਮਾਂ ਬੋਲੀ ਪੰਜਾਬੀ ਚ ਹੀ ਤਿਆਰ ਕਰਦੈ। ..
ਹੁਣੇ ਹੁਣੇ ਮੈਂ ਪੂਰੇ ਤਿੰਨ ਘੰਟੇ ਉਸਦੇ ਚੈਨਲ ਨੂੰ ਦੇਖ ਕੇ ਉਠਿਆ ਹਾਂ ਤੇ ਉਸ ਬਾਰੇ ਤੁਹਾਨੂੰ ਦੱਸਣ ਬਹਿ ਗਿਆ ਹਾਂ . ਦੋਸਤੋ, ਮੈਂ 2007 ਤੋਂ ਬਲਾਗ ਲਿਖ ਰਿਹਾ ਹਾਂ , 20 ਸਾਲ ਹੋਣ ਵਾਲੇ ਨੇ , ਇਸ ਦੌਰਾਨ ਬੜੇ ਯਾਰ ਮਿੱਤਰ ਸਾਥੀ ਬ੍ਲਾਗਰ ਅਜਿਹੇ ਮਿਲੇ ਜਿਹੜੇ ਹਿੰਦੀ ਚ' ਟ੍ਰੇਵਲ ਬਲਾਗ ਲਿਖਦੇ ਨੇ , ਕਈਂ ਬੀਬੀਆਂ ਵੀ ਨੇ ਜਿਹੜੀਆਂ ਸੋਲੋ ਟ੍ਰੇਵਲ ਨੇ, ਇਹਨਾਂ ਨੂੰ ਪੜ੍ਹਿਆ ਵੀ, ਤੇ ਲਿਟਰੇਚਰ ਫੈਸਟੀਵਲ ਚ ਵੀ ਬਹੁਤਿਆਂ ਨੂੰ ਸੁਣਿਆ। ...ਟ੍ਰੇਵਲ ਬਲਾਗ ਦੀਆਂ ਲਿਖੀਆਂ ਕਾਫੀ ਕਿਤਾਬਾਂ ਵੀ ਇਕੱਠੀਆਂ ਕੀਤੀਆਂ ਨੇ .
ਪਰ ਸਾਰੀਆਂ ਕਿਤਾਬਾਂ , ਤੇ ਸਾਰੀਆਂ ਗੱਲ ਬਾਤਾਂ ਜਿਹੜੀਆਂ ਵੀ ਅਜੇ ਤਕ ਦੇਖੀਆਂ ਸੁਣੀਆਂ ਨੇ , ਉਹਨਾਂ ਚ ਨਵਦੀਪ ਬਰਾੜ ਦਾ ਟ੍ਰੇਵਲ ਬਲਾਗ ਮੈਨੂੰ ਸਬ ਤੋਂ ਵਿਲੱਖਣ ਤੇ ਸਬ ਤੋਂ ਵਧੀਆ ਲੱਗਾ। ਜਿਹੜਾ ਕੰਮ ਉਹ ਕਰ ਰਿਹਾ ਏ ਇਸ 28 ਸਾਲ ਦੀ ਉਮਰ ਵਿਚ ਉਸ ਲਈ ਬੜਾ ਜਿਗਰਾ, ਹਿੰਮਤ , ਉਧਮ. .....ਹੋਰ ਕੀ ਕੀ ਲਿਖਾਂ, ਸਬ ਕੁੱਝ ਹੀ ਚਾਹੀਦਾ ਏ , ਸਬ ਤੋਂ ਉੱਤੇ ਪ੍ਰਮਾਤਮਾ ਉੱਤੇ ਭਰੋਸਾ ਜਿਹੜਾ ਕਦੇ ਡੋਲਣ ਨਹੀਂ ਦਿੰਦਾ , ਉਸ ਦੀਆਂ ਗੱਲਾਂ ਤੋਂ ਇਹ ਸਬ ਕੁਝ ਝਲਕ ਜਾਂਦਾ ਏ. ਸਚਾਈ ਨਾਲ ਆਪਣੀ ਗੱਲ ਕਹਿੰਦਾ ਏ ਤੇ ਬੜਾ ਹਸਮੁਖ ਹੈ ਨਵਦੀਪ ਬਰਾੜ।
ਕਿਓਂ ਜ਼ਰੂਰੀ ਹੈ ਅਜਿਹੇ ਵਿਲੱਖਣ ਚੈਨਲ ਦੇਖਣਾ ?
ਠੀਕ ਹੈ ਸਾਰਾ ਕੰਟੇੰਟ ਇਸ ਦਾ ਪੰਜਾਬੀ ਚ ਹੈ , ਉਹ ਤੇ ਸਬ ਤੋਂ ਵੱਡਾ ਪਲੱਸ ਪੁਆਇੰਟ ਹੈ ਹੀ . ਇਸ ਦੇ ਨਾਲ ਨਾਲ ਅਜਿਹਾ ਕੰਟੇੰਟ ਵੇਖ ਕੇ ਸਾਨੂੰ ਪ੍ਰੇਰਨਾ ਮਿਲਦੀ ਹੈ - ਘਰੋਂ ਬਾਹਰ ਪੈਰ ਰੱਖਣ ਦੀ , ਦੁਨੀਆ ਵੇਖਣ ਦੀ , ਜ਼ਿੰਦਗੀ ਜਿਉਣ ਦੀ , ਥੋੜੀ ਹਿੰਮਤ , ਹੋਂਸਲਾ ਤੇ ਸਬ ਤੋਂ ਵੱਧ ਪ੍ਰਮਾਤਮਾ ਉੱਤੇ ਭਰੋਸਾ ਵੀ ਪੱਕਾ ਹੁੰਦੈ। .. ਉਹ ਠੀਕ ਹੈ ਅਸੀਂ ਸਾਰੇ ਆਪਣੇ ਆਪਣੇ ਕਾਰਨਾਂ ਕਰਕੇ ਸ਼ਾਇਦ ਇਸ ਲੈਵਲ ਤਕ ਨਹੀਂ ਸੈਰ ਸਪਾਟਾ ਕਰ ਸਕਦੇ , ਪਰ ਹਰ ਬੰਦੇ ਦੀ ਆਪਣੀ ਕੈਪਾਸਿਟੀ ਹੈ , ਹਾਲਾਤ ਨੇ। ..ਸੁਨੇਹਾ ਇਹੋ ਹੀ ਹੈ ਕਿ ਟ੍ਰੇਵਲ ਕਰਨਾ ਬਹੁਤ ਬਹੁਤ ਜ਼ਰੂਰੀ ਹੈ। ...
ਇਕ ਗੱਲ ਚੇਤੇ ਆ ਰਹੀ ਏ ਕਿ ਕਈ ਸਾਲ ਪਹਿਲਾਂ ਅਸੀਂ ਕੁੱਲੂ ਤੋਂ ਮਨੀਕਰਨ ਸਾਹਿਬ ਗੁਰਦਵਾਰੇ ਵੱਲ ਜਾ ਰਹੇ ਸੀ , 2007 ਦੀ ਗਲ ਹੈ, ਸ਼ਾਇਦ ਓਹਨਾ ਦਿਨਾਂ ਚ ਸੜਕ ਬਣ ਰਹੀ ਸੀ , ਇਸ ਕਰਕੇ ਰਸਤੇ ਇੰਨਾ ਖ਼ਰਾਬ , ਤੰਗ ਜਿਹੀ ਸੜਕ , ਭੁਰਦੇ ਕੰਡੇ ਤੇ ਥੱਲੇ ਠਾਠਾਂ ਮਾਰਦਾ ਬਿਆਸ ਦਰਿਆ , ਬੜਾ ਡਰ ਲੱਗਾ , ਜਦੋਂ ਵੀ ਕੋਈ ਮੋੜ ਆਉਂਦਾ ਯਾ ਸਾਹਮਣੇ ਕੋਈ ਬੱਸ ਟਰੱਕ ਆਉਂਦਾ ਦਿਖਦਾ , ਇੰਝ ਲੱਗਦਾ ਬੱਸ ਹੁਣ ਗਏ ਥੱਲੇ ਬਿਆਸ ਚ. ...ਖੈਰ ਖੁਸ਼ੀ ਖੁਸ਼ੀ ਗੁਰਦਵਾਰਾ ਸਾਹਿਬ ਹੋ ਕੇ ਆਏ , ਕੜੀ ਚਾਵਲ ਦਾ ਪ੍ਰਸ਼ਾਦਾ ਛਕਿਆ , ਆਪੋ ਆਪ ਉਬਲਦੇ ਗਰਮ ਪਾਣੀ ਚ ਚੌਲ ਵੀ ਉਬਾਲੇ। ....ਪਰ ਉਸ ਦਿਨ ਤੋਂ ਬਾਅਦ ਕਦੇ ਕਿਸੇ ਵੀ ਸੜਕ ਤੋਂ, ਕਿੰਨੀ ਵੀ ਮਾੜੀ ਸੜਕ ਹੋਵੇ , ਕਿੰਨੀ ਵੀ ਟੁੱਟੀ ਭੱਜੀ ਹੋਵੇ , ਕਿੰਨਾ ਵੀ ਜੈਮ ਹੋਵੇ , ਕਦੇ ਡਰ ਨਹੀਂ ਲੱਗਾ> ਅਜਿਹੇ ਅਨੁਭਵ ਹੁੰਦੇ ਨੇ ਜਿਹੜੇ ਟ੍ਰੇਵਲ ਕਰਣ ਸਦਕਾ ਹੀ ਸਾਡੀ ਝੋਲੀ ਚ ਪੈਂਦੇ ਨੇ. ..
ਚੰਗਾ ਹੋਰ ਗੱਲਾਂ ਨਹੀਂ , ਨਵਦੀਪ ਬਰਾੜ ਦੀ ਦੀ ਵੀਡੀਓ ਸਹਾਰੇ ਕਰ ਰਿਹਾ ਹਾਂ , ਦੇਖੋ ਤੇ ਆਨੰਦ ਮਾਨੋ , ਤੇ ਇਹਨਾਂ ਤੋਂ ਕੁਝ ਸਿੱਖਣ ਦੀ ਵੀ ਤਾਂਘ ਰੱਖੀਏ । ਗੁਰੂ ਨਾਨਕ ਦੇਵ ਜੀ ਨੇ ਆਪਣੇ ਵੇਲੇ ਦੂਰ ਦੁਰੇੜੇ ਇਲਾਕਿਆਂ ਚ ਉਦਾਸੀਆਂ ਕੀਤੀਆਂ ਤੇ ਇਕ ਓਂਕਾਰ ਦਾ ਸੁਨੇਹਾ ਦਿੱਤਾ , ਅੱਜ ਕਰ ਇਹ ਕੰਮ ਸ਼ਾਇਦ ਓਹਨਾ ਨੂੰ ਇਹ ਕੰਮ ਆਪਣੇ ਗੁਰਸਿਖਾਂ ਦੇ ਜਿੱਮੇ ਲਾਇਆ ਏ, ਇੰਝ ਹੀ ਲੱਗਦੈ । ਘਰ ਬੈਠੇ ਅਜਿਹੀਆਂ ਜਗ੍ਹਾ ਦੇ ਦਰਸ਼ਨ ਕਰੋ , ਹੈਰਾਨ ਹੋਵੋ ਤੇ ਇਸ ਪ੍ਰਮਾਤਮਾ ਦੇ ਪਸਾਰੇ ਦੇ ਨਜ਼ਾਰੇ ਲੁੱਟੋ ।
ਵੈਸੇ ਅੱਜ ਮੈਂ 3-4 ਘੰਟੇ ਨਵਦੀਪ ਬਰਾੜ ਦੀਆਂ ਜਿਹੜੀਆਂ ਦੋ ਇੰਟੇਵਿਊਆਂ ਦੇਖਦੇ ਉੜਾ ਦਿੱਤੇ , ਉਹਨਾਂ ਦੋ ਲਿੰਕ ਵੀ ਤੁਹਾਡੇ ਨਾਲ ਸਾਂਝਾ ਕਰਨਾ ਤਾਂ ਬਣਦਾ ਏ। ...ਤੁਸੀਂ ਵੀ ਦੇਖਿਓ , ਬਹੁਤ ਵਧੀਆ ਨੇ।
Aman Aujla YT Channel- Navdeep Brar -https://www.youtube.com/watch?v=whSz6Y2bPKw&t=1776s
