ਦੋਸਤੋ, ਥੋੜੇ ਦਿਨ ਪਹਿਲਾਂ ਮੈਂ ਫੇਸਬੁੱਕ ਤੇ ਇਕ ਵੀਡੀਓ ਦੇਖੀ - ਡਾ ਸੀਮਾ ਗਰੇਵਾਲ ਹੋਰਾਂ ਦੀ ਸੀ ਇਹ ਵੀਡੀਓ - ਉਸ ਤੋਂ ਪਤਾ ਲੱਗਾ "ਦੋਆਬਾ ਰੇਡੀਓ" ਬਾਰੇ - ਆਪਾਂ ਵੀ ਓਸੇ ਦਿਨ ਇਸ ਰੇਡੀਓ ਦੀ ਐਪ ਨੂੰ ਡਾਊਨਲੋਡ ਕਰ ਲਿਆ ਤੇ ਇਸ ਤੇ ਪ੍ਰੋਗਰਾਮ ਸੁਨਣ ਲੱਗ ਪਏ...
ਇਸ ਪੋਸਟ ਦੇ ਰਾਹੀਂ ਮੈਂ ਤੁਹਾਨੂੰ ਸਾਰਿਆਂ ਨੂੰ ਇਹ ਸੱਦਾ ਦੇ ਰਿਹਾ ਹਾਂ ਕਿ ਤੁਸੀਂ ਸਾਰੇ ਵੀ ਇਹ ਦੋਆਬਾ ਰੇਡੀਓ ਦੀ ਐਪ ਨੂੰ ਡਾਊਨਲੋਡ ਕਰੋ ਤੇ ਇਸ ਦੇ ਪ੍ਰੋਗਰਾਮਾਂ ਦਾ ਆਨੰਦ ਮਾਨੋ!!
ਇਸ ਰੇਡੀਓ ਤੇ ਸੋਮਵਾਰ ਤੋਂ ਸ਼ੁਕਰਵਾਰ ਰਾਤੀਂ ਇੰਡੀਅਨ ਸਮੇਂ ਮੁਤਾਬਿਕ ਸਾਢੇ ਅੱਠ ਵਜੇ ਇਕ ਪ੍ਰੋਗਰਾਮ ਆਉਂਦਾ ਹੈ - ਦਿਲ ਦੀਆਂ ਗੱਲਾਂ - ਜਿਸ ਵਿਚ ਤੁਸੀਂ ਫੋਨ ਕਰ ਕੇ ਆਪਣੇ ਦਿਲ ਦੀਆਂ ਗੱਲਾਂ ਸਾਂਝੀਆਂ ਕਰ ਸਕਦੇ ਹੋ - ਓਪਨ ਮਾਈਕ ਵੀ ਹੁੰਦਾ ਹੈ ਜੀ, ਤੁਸੀਂ ਕੋਈ ਵੀ ਗੱਲ ਆਪਣੀ ਕਹਿ ਸਕਦੇ ਹੋ, ਦੁੱਖ ਸੁਖ ਵੰਡ ਸਕਦੇ ਹੋ, ਆਪਣੀ ਲਿਖੀ ਕੋਈ ਰਚਨਾ ਸਾਂਝੀ ਕਰ ਸਕਦੇ ਹੋ ਜਾਂ ਕਿਸੇ ਹੋਰ ਲਿਖਾਰੀ ਦੀ ਰਚਨਾ ਜਿਹੜੀ ਤੁਹਾਡੇ ਦਿਲ ਦੇ ਨੇੜੇ ਹੋਵੇ ਉਸ ਨੂੰ ਵੀ ਸੁਣਾ ਸਕਦੇ ਹੋ - ਵਹਾਤਸੱਪ ਕਾਲ ਵੀ ਕਰ ਸਕਦੇ ਹੋ।
ਵਧੀਆ ਗੱਲ ਇਕ ਹੋਰ ਵੀ ਹੈ ਜੀ ਇਹਨਾਂ ਦੀ - ਕੋਈ ਰਾਜਨੀਤਿਕ ਜਾਂ ਧਾਰਮਿਕ ਮੁੱਦਿਆਂ ਤੇ ਗੁੱਥਮਗੁੱਥਾ ਨਹੀਂ ਹੁੰਦਾ ਕੋਈ ਓਥੇ - ਸਾਰੇ ਬੜੀਆਂ ਅਦਬੀ ਤੇ ਹਾਸੇ ਖੇਡੇ ਦੀਆਂ ਦਿਲ ਦੀਆਂ ਗੱਲਾਂ ਸਾਂਝੀਆਂ ਕਰਦੇ ਨੇ - ਲਹਿੰਦੇ ਪੰਜਾਬ ਤੋਂ ਵੀ ਬੜੇ ਲੋਕ ਇਸ ਐਪ ਰਾਹੀਂ ਚੜਦੇ ਪੰਜਾਬ ਨਾਲ ਜੁੜੇ ਹੋਏ ਨੇ - ਸਾਂਝ ਦੀਆਂ ਨਿੱਘੀਆਂ ਗੱਲਾਂ ਹੁੰਦੀਆਂ ਨੇ.
ਵਿਚ ਵਿਚ ਵਧੀਆ ਵਧੀਆ ਪੰਜਾਬੀ ਗੀਤ ਸੁਨਣ ਨੂੰ ਵੀ ਮਿਲਦੇ ਨੇ - ਬਸ ਇਕ ਕੰਮ ਕਰੋ ਕਿ ਇਸ ਐਪ ਨੂੰ ਡਾਊਨਲੋਡ ਕਰੋ ਤੇ ਹੋ ਜਾਓ ਸ਼ੁਰੂ। ਉਮੀਦ ਹੈ ਤੁਹਾਨੂੰ ਦੋਆਬਾ ਰੇਡੀਓ ਦਾ ਇਹ ਉਪਰਾਲਾ ਆਪਣੀ ਮਾਂ ਬੋਲੀ ਦੀਆਂ ਜੜਾਂ ਨਾਲ ਜੋੜਣ ਵਾਲਾ ਤੁਹਾਨੂੰ ਬੜਾ ਵਧੀਆ ਲੱਗੇਗਾ।
ਮੈਂ ਤੇ ਹਾਂ ਹੀ ਰੇਡੀਓ ਦਾ ਸ਼ੁਦਾਈ - ਮੈਨੂੰ ਤੇ ਸਵੇਰੇ ਤੋਂ ਲੈ ਕੇ ਰੇਡੀਓ ਵੱਜਦਾ ਚਾਹੀਦਾ ਹੈ - ਅਸੀਂ ਤੇ ਉਹ ਜ਼ਮਾਨੇ ਵੀ ਦੇਖੇ ਨੇ ਜਦੋਂ ਘਰ ਵੀ ਰੇਡੀਓ ਸੁਣਨ ਲਈ ਲਾਇਸੈਂਸ ਬਣਦਾ ਸੀ ਤੇ ਉਸਦੀ ਫੀਸ ਵੀ ਦੇਣੀ ਪੈਂਦੀ ਸੀ - ਸ਼ਾਇਦ 4 ਰੁਪਈਏ ਸਾਲਾਨਾ - ਇਸ ਤਰ੍ਹਾਂ ਦੀਆਂ ਯਾਦਾਂ ਮੈਂ ਕਦੇ ਆਪਣੇ ਰੇਡੀਓ ਧਮਾਲ ਬਲਾਗ ਵਿਚ ਲਿਖਣੀਆਂ ਸ਼ੁਰੂ ਕੀਤੀਆਂ ਸਨ, ਜੇ ਕਰ ਦਿਲ ਕਰੇ ਤਾਂ ਥੱਲੇ ਦਿੱਤੇ ਲਿੰਕ ਤੇ ਜਾ ਕੇ ਝਾਤੀ ਮਾਰ ਸਕਦੇ ਹੋ !
ਰੇਡੀਓ ਧਮਾਲ - parveenchopra.blogspot.in
ਹਾਂਜੀ, ਜਨਾਬ ਇਕ ਗੱਲ ਹੋਰ ਵੀ ਹੈ ਕਿ ਇਸ ਦੋਆਬਾ ਰੇਡੀਓ ਦਾ ਇਕ ਫੇਸਬੁੱਕ ਪੇਜ ਵੀ ਹੈ - ਮੈਂ ਤਾਂ ਅੱਜ ਇਸ ਨੂੰ ਪਸੰਦ ਕਰ ਦਿੱਤਾ ਹੈ, ਤੁਸੀਂ ਕਦੋਂ ਕਰਣੈ !!
ਲੋ ਹੀ ਹੁਣ ਸੁਣੋ ਮੇਰੀ ਪਸੰਦ ਦਾ ਇਹ ਗੀਤ। ...ਸ਼ੁਕਰ ਦਾਤਿਆ ਤੇਰਾ ਸ਼ੁਕਰ ਦਾਤਿਆ !!
